Kòrsou, 5 di yanuari 2O12
Na: Presidente di parlamento di Kòrsou
Sr. drs Ivar Asjes
Wilhelminaplein # 4
Presente.
Apresiabel Presidente,
Pa medio di e karta aki mi ta hasi uso di artikulo 96 di Reglamentu di Ordu i ta pidi'bo pa dirigi e karta aki na Minister-Presidènt, Sr. Gerrit Schotte
Atentamente,
Helmien Wiels
Parlamentario i lider di frakshon di Pueblo Soberano
Tel: 510-5018
Kòrsou, 5 di yanuari 2012
Na: Minister-Presiddnt di Kòrsou
Sr. Gerrit Schotte
Fort Amsterdam # 17
Presente.
Topiko: Nombramentunan ku a sali den publisidat
Apresiabel Minister-President,
Suskrito, miembro di Parlamento i lider di frakshon di Pueblo Soberano, a base di lokual a sali den publisidat pa loke ta nombramentunan, ta aserkd bo persona konforme artikulo 96 di Reglamentu di Ordu di Parlamento di Kdrsou ku e siguiente
preguntanan:
1. Ta berdat ku a ekstende e kontrat di Sr. Rudolph Garmes, ruman di un Parlamentario, komo Direktor Interino na Refineria di Kòrsou N.V., despues ku a nombr'e einan sin ku ta tin solisitut?
2. Sr, Rudolph Garmes ta un akademiko, esta e ta dispone di e papelnan nesesario pa por eherse e funshon di Direktor na Refineria di Kòrsou N.V,?
3. Ta berdat ku a nombra un kompania pa traha komo 'sekretariado'di hunta di komisario di Refineria di Kdrsou N.V., e.o. enkargá ku trahamentu di notulónan kontra pago di 14 mil florin pa luna?
4. Ta trata aki di trabou ku otro persona (of kompania) tabata hasi kaba?
5. Ta berdat ku na Refineria di Kdrsou N.V. ta bai nombra dia 1di februari awor un persona ku un salario di 14.500 florin pa luna pa hasi un trabou ku otro persona ta(bata) hasi kaba?
6. Ta berdat ku a nombra Sr. Gino Campbell komo Direktor Interino na Gaming Control Board sin ku ta tin solisitut?
7. Sr. Gino Campbell ta un akademiko, esta e ta dispone di e papelnan nesesario pa por ehersé e funshon di Direktor na Gaming Control Board?
8. Ta berdat ku Sr. Ralph Acosta ku resientemente a keda nombrd komo Hefe Interino na LVV ta famia di un Minister?
9. Si t'asina, famia di kua Minister Sr. Acosta ta?
10. Ta berdat ku LVV ta duna trabou na un of mas kontratista di famia di un Parlamentario?
11. Si t'asina, na kontratista(nan) di famia di kua Parlamentario LVV ta duna trabou?
12 Ta berdat ku a nombra Sr, Sithrey van Heydoorn komo Direktor Interino na Fundashon Wega di Number Kòrsou sin ku ta tin solisitut?
13. Sr, Sithrey van Heydoorn tabata riba lista di un partido polltiko durante e riltimo elekshon?
14. Si t'asina, ki number riba lista di kua partido Sr. Van Heydoorn tabata?
15. Sr. Sithrey van Heydoorn ta dispone di e papelnan nesesario pa por ehers'é e funshon di Direktor na Fundashon Wega di Number Kòrsou?
16. Ta berdat ku a nombra Sr. Urvin Makaay komo Direktor na Fondo di Garantia pa Bibienda Kòrsou N.V, sin ku ta tin solisitut?
17. Ta berdat ku a nombra un Parlamentario den staf di Duana sin ku ta tin solisitut?
18. Si t'asina, ta kua Parlamentario a keda nombra den staf di Duana?
19. Ta berdat ku a nombra Sra. Sandra Smith komo gerente, esta menedjer, na UTS sin ku ta tin solisitut?
20. Ta berdat ku a nombra kasá di primu di un Parlamentario komo gerente, esta mènedjer, na Ofisina di Tursimo di Kdrsou (CTB) sin ku ta tin solisitut?
21. Si t'asina, ta kasá di primu di kua Parlamentario a keda nombrá komo gerente na CTB?
22. Tin mas persona ku a keda nombrá den posishonnan gerensial, esta di mènedjer, na CTB?
23 .Si t'asina, ken mas a keda nombrá den kua funshon gerensial na CTB?
Pa lokual ta e nombramentunan aki itambe esun di Sra, Tara Asjes-Prins komo gerente komersial na Curaçao Ports Authority N.V., nos ta urgi pa bo pidi kada Minister pa na nan turno nan pidi kada instansia, kompania of fundashon di Gobièrnu pa esakinan kontestá e preguntanan menshoná i ademas pa kada instansia, kompania df fundashon di Gobiernu indiká di forma dokumentá si e nombramentunan aki a bai segun reglanan di bon gobernashon (korporativo) i manera étika ta preskribí.
En espera di Sr. Minister-Presidènt su kontesta riba mi preguntanan, mi ta keda,
Atentatnente,
Helmin Wiels
Parlamentario i lider di frakshon di Pueblo Soberano
Tel: 510 5018
Add this page to your favorite Social Bookmarking websites
| < Prev | Next > |
|---|
