Willemstad - Servisio pa Komunikashon i Informashon ta informá ku Ofisina pa Bienestar di Mucha (Voogdijraad Kòrsou), entrante 10 di òktober último, a haña numbernan di kuenta bankario nobo. Esaki ta un reglamentu ku Gobièrnu di Kòrsou a implementá den kuadro di e traspaso pa Pais Kòrsou.
Ta nesesario pa kada kliente di Ofisina pa Bienestar di Mucha tuma bon nota di e numbernan nobo pa evitá stagnashon den e pagonan di alimentashon. E numbernan riba kual por hasi pago di alimentashon via nos Ofisina ta: 23.32.9409 (MCB), 42.10.42 (GiroBank) i 01.04.14.614 (RBTT) kual ta na nòmber di Ofisina pa Bienestar di Mucha (Voogdijraad Kòrsou). Un petishon ta bai na kada pagadó di alimentashon pa, na momentu di pago, nota nòmber kompletu di e mayor ku ta hasi e pago i e nòmber di e otro mayor pa ken e sèn di alimentashon ta destiná.
Pa tur kaso di alimentashon òf otro servisio di Ofisina pa Bienestar di Mucha, por akudí na e ofisina di djaluna pa djaweps entre och’or (08.00) i dies’or (10.00) di mainta. Pa mas informashon por yama tambe na number di telefòn 461-6166 ekstenshon 222.
Add this page to your favorite Social Bookmarking websites
| < Prev | Next > |
|---|
