Willemstad – Servisio pa Komunikashon i Informashon ta partisipá ku relashoná ku e notisia ku a sali tokante paramentu di Sint Jorisakkoord Minister di Enseñansa Rene Rosalia ta duna deklarashon al respekto.
Minister Rosalia a kaba di risibí na su despacho un kantidat di dokumentu relashoná ku e asina yamá Sint Jorisakkoord. Minister Rosalia ta studiando e akuerdo tantu diskutí i kuestioná akí. E skrutiño debido i profundo akí ta sosodé ku tur akuerdo ku e gobièrnu nobo a heredá di e gobièrnu anterior.
Esaki ta e prosedura formal ku Minister Rosalia lo hiba awor i den futuro. Por lo tantu minister Rosalia ta informá pueblo di Kòrsou ku e no a tuma niun desishon al respekto ainda. E informe ku a sali publiká awe den un matutino no a sali di despacho di Minister di Eseñansa mr. dr. Rene Rosalia.
Add this page to your favorite Social Bookmarking websites
| < Prev | Next > |
|---|
