Loke ku ami no ta kompronde, algu ku ta pone mi rabia ta: kon por ta ku te ahinda nos no sa kiko ta bai para ku 'Pais Korsou'. Ami ta sinta mira, mas miho observa, pa mi sa kiko ta bai pasa ku mi pais.
Kiko ta bai para di nos hendenan, kiko ta bai para di nos aki na Hulanda??? Mi tin gana di sa kon bruà e bol aki ta i ken ta bai trese klaridat. Ami ta mira e kos aki skur. Mane mi ta mira aki, ora Hulanda ke skupi Korsou afó, lo e hasi e, pero mi ta mira tambe kon e ta pone nos islanan kontra otro, i kon e ta lanta hende kontra otro.
Nos hendenan ta informá? Nos hendenan ta lesa? Nos hendenan ta kritiko? Nos hendenan sa ta kiko ta bai pasa?! Na Hulanda aki, nada no ta wordu hasi pornada. Ora algu wordu duna.. hopi bia ta too good to be true!!Esnan ku mester duna informahon, ta duna un kuenta bunita, pero nan mes sa ku tin hopi mas informashon ku nan no ta/ke duna.
OJO.....
Tirsa Miguel.
Add this page to your favorite Social Bookmarking websites
| < Prev | Next > |
|---|
