Diarason 07 di juli 2010 tabatin un anochi di informashon na Antillenhuis na Den Haag, konserniendo desmantelashon di Antias Hulandes, kaminda falta di direkshon i falta di respet riba e anochi di informashon aki a pone ku kosnan a sali kompletamente for di man.
Ni Minister Plenipotensario sr. Marcel van der Plank por a retoma asuntu i guia e dunamentu di kontesta na un publiko kritiko hambra pa informashonin. Sin menshoná mes e aroganasha di Minister Roland Duncan ku a pasa over pa ataka e personanan den e publiko presente ku a hasi señor Duncan pregunta.
E promé eror grafal di e Minister Plenipotensario di Antias Hulandes tabata pa no a perkura pa tin un panel ku por a papia ku informashon kompleto al respeto di tur e islanan ku ta forma Antias Hulandes i ku na 10-10-10 ta drenta den un relashon nobo, riba nan mes of den un relashon nobo ku Hulanda.
E invitashon pa e anochi ei tabata di parti di gobiernu di Antias Hulandes pero a falta den e panel representatenan politiko ku por a papia di Bonaire, Saba, St. Eustatius i no por hustifika esaki ya ku e desmantelashon ta nifika kambio drastiko pa tur e sinku islanan ku te awor ta forma Antias Hulandes.
Nan a bin papia tokante di desmantelashon di Antias Hulandes i e struktura nobo di e islanan Kòrsou, St. Maarten, Boneiru, St. Eustatius i Saba, pero na momentu ku a yega turno pa kontesta preguntanan for di den sala nan no por a hasi esaki.
A falta boluntat pa sinseramente tende e preguntanan i/o prekupashonnan lansa for di en sala I kontesta e preguntanan sinsero ku ta biba serka e publiko ku a akudi na gran numero e atardi aki na Antillenhuis (mas di 70 persona)
NO por hustifika e hecho ku NO tabatin ningun representante di islanan BES, lokual ku ta di lamenta pasobra e firmamentu ku a tuma luga dia 06 juli 2010 den Eertse Kamer no tabata konserni solamente e islanan di Kòrsou i St. Maarten so, pero Boneiru, St. Eustatiuis i Saba tambe.
Ta tristu pa tende un mandatario di Boneiru bisa na radio VozDiBoneiru, ora ku a hasi e remake ariba menshona, ku si no tabatin representante di islanan BES pasobra e firmamentu i e anochi di informashon no tabata konserni islanan BES.
Tur e razonamentunan aki tantu di e panel na ulanda komo reakshon for di Bonaire ta irazonabel , inkorekto I ilógiko………….A kaso “ANTIAS HULANDES” ya kaba no ta eksisti mas? Lees Volledige Brief
Add this page to your favorite Social Bookmarking websites
| < Prev | Next > |
|---|
