Willemstad - Ku masha alegria i hubilo Gobièrnu di Kòrsou a tuma nota ku e prestigioso Instituto di estudio, Carribean International University a otorgá Promé Minister Presidènt Sr. Gerrit F. Schotte e titulo di Dòkter Honoris Kousa pa méritonan logra durante di su hóben karera komo polítiko. Dòkter Vitorio 
De Stefano Presidente di e Konseho Superior Universitario di Caribbean International University den un bishita relámpago serka promé minister a bin partisipá dicho desishon.
Base pa otorgamentu di e doktorado aki ta basá riba ponensianan di Pitagoras ku ta relashona KONOSEMENTU, SENSIBILIDAT, INTELIGENSIA, OPTIMISMO I BOLUNTAT. Doktor De Stefano ta splika tambe ku e prinsipionan aki ta ankra den e pakto di Bolonga i re-afirmá pa UNESCO, i basa riba esakinan a motivá e konseho Universitario Presidí pa su persona di bai unánimamente di akuerdo ku e proposishon pa otorgá Sr. Gerrit F. Schotte komo persona e titulo aki.
Promé Minister Presidènt Gerrit Schotte na su turno tabata hopi kontentu ku e rekonosementu aki. El a splika ku tur e virtutnan aki lo e lo uza na benefisio di Pais Kòrsou.
A palabra ku riba un otro fecha lo hasi e entrega ofisial di e doktorado ku a keda aseptá awe.
Add this page to your favorite Social Bookmarking websites
| < Prev | Next > |
|---|