Morto por kue AMi tambe Djis aki di sorpresa
Hende hopi bes ta lubida ku nos no tin bida pa semper i ta gasta nan bida hopi biaha den batayanan ku otro ser humano ku no ta hsi ningun hende su bida mas plasentero.
Ku morto di un di nos talentonan ku perspektiva asina grandi su dilanti,nos komo respet pa Hemayel tin di wak nos mes de spil kon nos ta drai nos bida aktualmenten i si ta nesesario hasi kambio pa morto no kue AMI di sorpresa. Hemayel .....drumi trankil en espera djesun ku lo lantabo SIGUR for dje kondishon temporal aki.
Hemayel boso a kaba di tira un gira eksitoso na boso isla stima Kòrsou i ba bolbe bek pa den kompania di bo famia selebra momentonan historiko den bida di bosnan.
Ku bo aksidente i morto bo a laga nan i nos aki pasma... sorprende... impotente ya ku e realidat di bo awor ta unu inkambiabel. Un ratu prome bo tabata yen di bida ku perspektivanan asina grandi. Pa sorprende nos ahinda mas ku bo arte i talento a medida ku bop lo a sigi bo karera artistiko.
No por identifika morto sino komo nos enemigu mayor ku sin miserikordia ta ranka esnan stima for di nos lagando nos kurasonnan ku solamente rekuerdonan ku ta keda drai manera un tape bes tras bes den nos kabes.
Mi ta kontentu ku durante di e marcha di stop the violence na Rotterdam nos di Nosteve por a graba boso presentashon. Nos a kere ku esaki lo ta un dje hopi biahanan ku nos lo a topa ku bo, pa por broma ku bo , boso, logronan. Awor e grabashon aki ta e uniko ku nos tin di boso i nos lo atesorele inmensamente.
Nos ku no konose bo bon tin dolo den nos kurason i mi por imaginabo e dolo inmenso di bo mayornan, rumanan , amigu i famianan i mi ta psera ku e pdoer di ESUN ku su forsa ta surpasa tur konosimentu humano lo yuda boso dil ku e perdida i situashon inkambiabel aki.
E sintimentu di impotensha ta podera di nos ya ku AWOR.... ora morto dal aden. Nos no por hasi nada pa KAMBIA e situashon aki i. Pero tog nos por hasi algu nos por wak nos mes bida bon i trese e kambionan nesesario den dje kaminda ta nesesario pa hasi nos mes hendenan mas agradabel, kompasivo, miserikoridioso, hospitalario i kopia e sintmentu sosial di Hemayel di ta kla pa tur hende.
Hemayel....... drumi trankil sabiendo ku tur bo kualidatnan i eksperensianan te ku awor a bolbe bek den man di bo Kreador pa e na e momento oportuno ordená su YU pa kuminsa ku e proseso INKREIBEL DI DUNA BEK BIDA (PERFEKTO) NA HOPI KU A MURI I KU TA MERESE PA HANA ESAKI DI NOBO.
Nos ta spera ku nos tambe lo por ta kona den esnan ku lo mirabo mas adilanti di nobo riba e GRAN DIA ei i gosa awor den un situashon paradisiko di loke bida tabata yama pa ta . Bida pa semper. Sin Fin den Pas i Felisidat i hendenan di bon boluntat.
Hemayel ....drumi....drumi trankil.
Na famianan .. forsa
Tico Vos
Direktor di NOS TeVe
Add this page to your favorite Social Bookmarking websites
| < Prev |
|---|