Nosteve a entrevista sr. Gerard Wijngaarden , direktor di RTV-7, relashoná ku e hecho ku nan mester a kanselá tur nan plannan relashoná ku e transmishon bibu i direkto for di Ulanda di Zomerkarnaval pa heter antias i pa prome biaha algun isla mas den Karibe.
Kobramentu di uitzendrechten solamente na RTV-7 E punto kardinal ta lo siguiente. Ducos, e organizashon ku ta enkargá ku organizashon di entre otro e zomerkarnaval di Rotterdam, e aña aki únikamente a kobra RTV 7, un montante di €2500 pa derecho di transmishon uitzendrechten). Ningun otro kompania di televishon of otro ekipo di filmashon mester a paga e montante aki. TV Rijmond, NOS, ni SBS 6 , ningun kompania of stichting di televishon mester a paga e suma aki. For di luna di mart último e punto aki a keda riba mesa komo un puntu di disputa pa e tim di RTV-7.
DEADLINE RTV-7 ku MIAMI lo a kaba djaweps ultimo ya ku e kompania ku kende RTV-7 ta dil ku n’e lo tabata será relashoná ku un selebrashon di e kompania merikano aki. Gerard Wijngaarden a yama Wim Noordzij(DUCOS), persona ku ta enkarga ku asuntunan komersial, di sponsor ,advertising i buskamentu di kliente pa e kompania organisador di zomerkarnaval DUCOS, pa bolbe wak si lo por a bin kambio den e desishon di DUCOS pa kobra unikamente RTV-7 e suma di €2500 pa derecho di transmishon. E kontesta di Wim pa Gerard ta ku ounke e lo trata e asuntu aki den reunion e dia siguiente ku e direktor di DUCOS Guus Dutrieux ku Gerard por sali afo ku 100% di seguridat , ku RTV-7 lo mester paga e suma di € 2500 pa derecho di transmishon di zomerkarnaval Rotterdam 2009. Gerard a yama Wim danki i notifikele su desishon zakelijk riba e kontesta zakelijk aki. Ku e no por transmiti e evento bou di e kondishonan aki I ku e ta zeg af su liña na Mimai.
Gerard Wijngaarden kontra di tur su sintimentunan no a kedele nada otro di notifika tur e partinan envolvi den e proyekto espektakular aki di transismishon live di zomerkarnaval Rotterdam 2009, pa tur islanan di Antias i algun isla Karibense entré nan Trinidad , ku lamentablementu debi na kobramentu di un suma ekshorbitantemente haltu na solamente RTV 7 i nigun otro kompania di televishon mas na ulanda, ku nan di RTV-7 lo no transmiti karnaval mas e aña aki. Gerard a notifika e kompania na Miami ,net na tempu, ku nan lo no tin nodi di reserva liña mas pa RTV-7 relashona ku evento di Karnaval di Ulanda. Gerard a purba notifika personanan klave ku tin din di aber ku e komunidat antiano na Ulanda pero sin eksito. E la
aseptá ku lamentablemente e transmishonnan dje aña aki lo no tuma luga mas.
Ducos e siguiente dia ta manda un email pa Gerard Wijngaarden informando RTV -7 ku nan no tin nodi di paga e suma di €2500 mas pero ku nan ke tende den e proksimo 3 ora kiko RTV-7 ta disidi. RTV -7 no por a bin bèk riba e desishon debi na e deadline di nan ku a kaduká e dia promé . Ducos ta haña esaki straño i ta kulpa RTV-7 di ta hasi moeilijk i di no tin e interés di antianonan na antias na pechu.
Les pa futuro
Esaki ta un prueba klasiko di ruis den komunikashon. Di un banda RTV 7 tabata splika bon kla ku nan ta haña e suma di €2500 irazonabel idiskriminante ya ku e tabata konta solamente pa RTV-7. Di otro banda DUCOS tabata negosha fuertemente pa hasi sigur ku teniendo tempu na nan fabor ku finalmente RTV-7 lo paga e suma tòg. Take it or leave it. No a keda RTV-7 nada otro di leave it informa na tempu e otro partenernan ku webu a dol , promé ku nan hañanan ku gastunan adishonal pa un liña ku nan lo no por usa.
Ken a pèrde?
E organisadornan di zomercarnaval na Rotterdam. Dikon wel pasombra meskos ku 25 aña pasá ta antianonan a sembra e simia di e karnaval na 1984 ku a para bira asina grandi awe ... ta otro grupo di antianonan a hiba delantera na ulanda , pa riba propio forsa kuminsa ku tranmishon live di zomerkarnval di Rotterdam pa mundu, via di e islanan di antias i di Karibe. Esaki ningun kompania di produkshon di televishon ulandés a logra hasi ainda i nunka lo purba di realisa e proyekto difisil asina ku propio medionan finansiero. Ku otro palabra ku trabou boluntario i ku invershonnan for di propio saku sin posibilidat na korto plaso pa logra rekuperashon djeinvershonan aki.
RTV-7 danki di a a hasi esaki aña pasa i di boso bon intenshonan pa hasi esaki e aña aki atrobe. Ban wak si otro aña boso lo haña e chens pa logra boso ophetivo esta : “yuda hasi e ekspektakulo karnavalesko ku a kuminsá for di talentonan antiano un espektakulo televisho internashonal “.Kambio di Programashon di RTV-7 RTV lo manda nan ekipo di filmashon pa registra e zomercarnaval di Rotterdam dje aña aki i lo hasi un kompilahe di esaki i transmitiele mas adilanti pa nan públiko. Pero RTV -7 a enfoká mes ora riba otro ekspektakulo grandi ku ta tuma luga na Kòrsou. RTV-7 lo transmiti live di Antias pa Ulanda . Si Live di Kòrsou pa Ulanda nos lo por mira nos talentonan MUNDIAL den little leage bataya ku otro pa e titulo méaksimo.
Sintonisa RTV-7 djadumingu awor live I gosa dje ekspektakulo di Little Leage riba nivel MUNDIAL .
Add this page to your favorite Social Bookmarking websites
| < Prev | Next > |
|---|