Herkansing ta duná bo un oportunidat nobo pa logra e éksito ku bo ta deseá i ku esaki alkansá bo ophetivonan den bida. No ta solamente na ora di èksamen, pero den bida tambe. E ta un eksfuerso èkstra ku bo tin di hasi pa demostrá ku bo ta determiná pa logra bo ophetivonan.
Informashon pa yunan di tera na Hulanda nos a tuma nota di e persistensha di promé minister di Antia Hulandes, sra. Emily de Jongh-Elhage pa logra e ophetivo di duna informashon na Hulanda mandando un ekipo pisa for di Antia, bou di koordinashon di e trabounan di kas di Antia aki na Hulanda i ku sosten di MAAPP, OCaN i VAN.
Ta na su luga un felisistashon! Felisitashon na rèspèt i trahamentu honestamente huntu pa sasia e hamber na informashon ku tin aki na Hulanda i ku ta yega serka nos for di tur skina. Hambrá pa informashon i un derecho di kada un di nos pa haña e informashon, ta algu ku NOSTeVe a detektá i a menshoná na sra. De Jongh-Elhage i diputado sra. Zita Jesus-Leito den un entrevista eksklusivo den luna di aprél den Keukenhof.
Kambio ta trese resistensha i temor i esakinan ta kosnan ku bo por kita solamente ora bo mustra konsiderashon humano pa sintimentunan i nesesidat di e pueblo na ken bo ke duna e informashon.
Tres anochi, na Den Haag, Rotterdam i Utrecht, un total di no menos 600 persona a reuní huntu harmoniosamente pa mira kiko ta e kosnan ku ta bai kambia i kiko e kambionan lo nifiká pa kada un di nos.
Rèspèt
Ku rèspèt tur oradó a trese nan material dilanti, enfokando nan tur riba e pregunta final: ‘Kon esaki lo afektá ami?’. I no ta egoismo ta impulsá hende di sali for di su mes sino responsabilidat, nan responsabilidat pa perkurá pa nan mes primeramende i siguientemente pa esnan ku ta depende di nan, pa informashon, komprenshon, mantenshon i proyekshon pa un futuro ku menos riesgo inesesario.
Rèspèt ta ser ganá dor di traha reglanan den kual e fundeshi di informashon por bai eksitósamente. Regla na kua tur partido mester atené nan mes, tantu esun ku ta duna informashon i esun ku ta risibí informashon.
Un euforia totalmente otro for di 7 di yüli ku nos lo trata na lubidá mas pronto posibel komo un página skur di arogansha, pushamentu i tenementu di otro afo sin por logra esaki.
Bon boluntat
Tur diskursante a duna prueba di ta tin bon boluntat na suministrá mas mihó posibel e informashon ku nan ta disponé di dje, sin arogansha ku tin kosnan ku ahinda no ta solushoná i ku mas adilanti ku ayudo di nos tur lo por ta solushoná.
Trabounan di preparashon
Un felisitashon ta na su lugá na e direktor di Antillenhuis Sr. Robert Candelaria ku bou di su maneho i trahando ku tur su personal a logra duna e evento aki e apoyo total ku ela merese. Esei ta konta pa e forma ordená ku kosnan a kana i tambe pa e hecho ku prensa tabata bon biní duna e espasio pa traha nan trabou.
Nos di NOSTeVe ke yama danki spesifikamente e Hefe di Komunikashjon Sra. Marije Berkhouwer pa tur kooperashon risibí di dje di manera ku nos por a traha nos reportahenan manera akostumbrá sirbiendo komo e wowo di esnan ku no tabata presente. Un elogio na organisashonnan MAAPP, OCaN i VAN ku a duna nan sostén na e enkuentronan i ta di aploudí ku gobièrnu di Antia a detektá e importansia i e balor agregá di e nan. Nan partisipashon tabata indespensabel, ku nan e éksito a bira aun mas grandi. Algu ku a mandatarionan ku tabata presente a keda enfastisá.
Dominio di materia
Tur oradó a demonstrá dominio di materia ku a permiti e públiko di pidi spesífikamente kosnan (puntra/hasi pregunta) ku nan abilmente por a puntra of enfatisá mas ambivalente. Tòg tin ku ta resaltá. Tur oradó pa nos a haña riba 8, pero tin ku a hasi’é eksepshonalmente bon i pa nos di NOSTeVe e promé luga ta un empate entre sr. Nacho Ignacio i Sra. Omayra Leeflang.
Nacho pasombra ela demonstrá ku e interés di trahadornan eksistente i futuro trahadó a keda protehá ku norma i proseduranan ku ta permití ku esaki por sosodé òf ku den evaluashon esaki por ser lográ mas pronto posibel pa garantísa trabou na Antia pa yunan di tera i kaminda esaki no ta posibel pa trahadó ku ta stima nan isla i kier forma ei un bibá integrando totalmente den e komunidat nobo aki ku nan ta skohe p’e.
I sra. Leeflang kende a proba un bes mas ku un tim grandi a traha debidamente nan huiswerk na Antia pa loke ta trata Enseñansa, Idioma, Kuido Mediko i perspektivanan pa nos hendenan aki por bolbe bèk kas na momento ku esaki ta posibel. E a enfatisá ku ta nos derecho ankrá den lei ku niun hende lo por mishi ku n’e. Tur yu di tera por bolbe bèk ora nan ta deseá. I e a ekspresá esaki manera un mama ku ta garantisá su yunan ku nan ta keda su pretu di wowo i ku porta di kas i weya ta semper habrí pa nan. Tremendo!
Finanzas
Minister di finansa, sra. Ersilia (Zus) de Lannooy tambe a enfatisá puntonan klave ku ta yuda kita temor:
1) lo ta bai tin a medida ku tempu ta pasa mas sèn, pa hasi mas kos na bienestar di e pueblo
2) e kambio di moneda no por ser kompará ku introdukshon di euro, ta un desishon polítiko pa tin nos mes moneda pero ku defakto e balor no ta kambia, ni ku esaki ta kore niun peliger
3) ku tin leinan ku ta protehá nos partimonionan históriko, kultural i natural i ku nos playanan ta di nos i ku tur ku a hasi di mas lo mester kuminsá biba ku e idea ku nan mester duna nos yunan di tera akseso liber na nos naturalesa den nan nos playanan
4) ku tin Business Plan ku ta traha i ku ta keda elaborá pa dil profeshonalmente ku pregunta klave ku ta permití nos huntu alkansá e desaroyo positivo deseá pa nos tur
Hustisia
Sekretado di estado di Hustisio, Sr. Dudley Lucia, komo hòmber di pueblo a prueba di sa unda e kurasón di su pueblo ta bati i a splika kon asuntunan ta regla i ku aki tambe. Su deseo grandi pa kuponan di trabou nobo keda okupa pa yunan di tera riba tur e isla i a mustra di tin un bon relashon di trabou i konfiansa ku su konsehero, sr. Ignacio. Bon team work i harmonía. Tambe ta algu di aploudí, pasombra ta huntu nos mester hasiele.
BES
Nos tambe ta di lastu biaha ku nos lo usa e denominashon aki. Den futuro ora nos papia, konforme e nòmber di e islanan i refirí na Bonaire, St. Eustatius i Saba. E dos promé anochinan, sr. Alexander Dalenoord di Ministerio di Asunto Interior i Asuntonan di Reino a
demontrá di ta un bon oradó. E a papia ku konfiansa riba e trabounan ku nan a hasi i ta hasiendo ounke a keda si e interogansha formá di e públiko dikon no tabatin tin tambe un representante di Boneiru na mesa.
Komienso di sasiamentu dje HAMBER pa informashon a kuminsa. Ta bon pa nos di NOSTeVe menshoná, ku si tin preguntanan ku ahinda a keda habrí, nan por wòrdu mandá por eskrito indirekt via nos of direkt na tur e tim di dunadó di informashon ku a garantisá ku nan lo tuma na nan enkargo, pa e kontestanan wòrdu buská I duna mas adilanti I mas pronto ku ta posibel !
Feedback
E públiko a pidi pa lenk e informashonnan disponibel (hasiendo uso di tèknología digital di awe) mas pronto posibel ku otro sitenan ku ta mas modèrno ku esnan ku ta eksitente. E ophetivo ta pa perkurá pa e informashon yega serka esun ku mester di dje.
Ban laga e konsepto bieu i hasi posibel ku kos ta riba e sitenan di gobièrnu, kas di Antia i di e organisashonnan MAAPP, OCaN , VAN, NOSTEVE, I KASDIKORSOU a lo menos ku nan ta mandá bo òf lenk ku e site ku tin e informashon prinsipal. Ta un reto pa logra e ophetivo aki pasombra mas lenk tin di otro site na bo òf mas informashon di bo por ser haña tambe riba otro site, mas eksitoso bo lo ta den dunamentu di e informashon.
Add this page to your favorite Social Bookmarking websites
| < Prev | Next > |
|---|