Helmien Wiels i Eunice Eisden ta weta spoki, ora nan bisa ku tin registrashon ètniko den VIR. E úniko datonan ku ta keda registrá den VIR ta: number, adrès, lugá di biba i burgerservicenummer. No ta registrá informashon tokante desendensia; lugá di nansementu di mayornan. Meta di VIR ta pa trese esnan ku ta duna ayudo den kontakto ku otro na momentu ku mas ku un di nan ta atendé ku e hóben.
Esaki ta na bienestar di e hóben mes ku por haña un yudansa mas adekuá ora esnan ku ta duna yudansa koperá ku otro. Ta hasta imposibel pa registrá etniko den VIR, komo ku e sistema komputarisá no tin lugá pa yena intensidat. Den kaso ku un persona purba registrá etnisidat e sistema ta stòp di funshoná. Esaki ta informashon ku nos a risibí di profeshonalnan ku konosé e sistema.
Wiels i Eisden ta uza un konseho di CBP ( College berscherming Persoonsgegevens) ku a keda traha riba un konsepto di e lei. E konsepto ei a keda kambia a base di e konseho di CBP. Pa kolmo e konseho aki di CBP no tabata trata asuntu di registrashon ètniko pero protekshon di privasidat di e hóben. Raad van State tambe a duna krítika riba registrashon di etnisidat. P’esei tambe den e lei ku a keda trata no tin registrashon di etnisidat.Loke p’ami si ta keda algu hopi straño ta ku na un banda tin hopi krítika riba registrashon di etnisidat ku no ta eksistí den VIR, pero na otro banda tin vários organisashon ètniko ku ta eksigí partisipashon; supsidio i rekonosementu pa motibu di etnisidat.
Add this page to your favorite Social Bookmarking websites
| Next > |
|---|