NOSTEVE TELEVISIE VOOR U DOOR U

Minister Jacoba a reuní durante su bishita di trabou na Ulanda ku Minister Rouvoet enkargá ku maneho pa hubentut i famia. Dos punto prinsipal ku e dos ministernan a atendé ta na promé lugá e foko di maneho dirigí riba hóbennan i komo segundo firmamentu di un protokòl ku ta formalisá e forma di traha pa ku e kuido di hubentut i famia na e islanan Saba i Sint Eustatius.

Pa loke ta trata e foko di maneho dirigí riba e hóben e ministernan a konfirmá nan preokupashon pa ku e formashon di e hóbennan i a afirmá ku seramentu di e hóben ku a ku a hañá nan mes ku problema ku hustisia  no ta e úniko forma pa atendé ku e resosialisashon dje hóbennan aki.

E hóben mester por sigui trayektonan di tratamentu p’asina ekip’é ku sufisiente abilidatnan nesesario pa e por regresá bek den komunidat. E protokòl ku a keda firma ta duna kontenido na e forma riba kua ta bai atendé ku e problematikanan pa ku asuntunan di famia i hubentut na e islanan di Saba i Sint Eustatius.  E  reunion djaweps ultimo a bai den forma hopi fruktífero i Minister Magali a hañá sosten di Minister Rouvoet den su maneho hudisial pa hubentut.

< Prev		Next >