Manera ta konosí e aktual minister plenipotensiario di Antia na Hulanda, sr. Paul Comenencia a pidi su retiro pa promé di yüli próksimo pa tuma un funshon nobo den servisio di ministerio di asuntunan eksterior di Reino. Pa e motibu aki, partido PAR a disidí pa proponé mr. Marcel van der Plank komo minister plenipotensiario nobo.
Señor Van der Plank a nase na Kòrsou 10 di mart 1951. Despues di haña su diploma di HBS-B na Radulphus College, el a studia notarieel recht na Universidat di Utrecht, kaminda el a gradua na 1973. Di 1973 pa 1978 el a traha na Kòrsou komo kandidaat-notaris i dia promé di novèmber 1978 el a keda nombrá komo notario na Kòrsou. Dia 30 di aprel último el a baha komo notario. Señor Van der Plank durante añanan ku a pasa tabata miembro di diferente asosashon i komishon entre otro riba tereno di lei i dosente part-time na UNA. Señor Van der Plank ta un di e fundadónan di PAR i na aña 1994 e tabata kandidato pa elekshon pa Staten riba lista di PAR. Señor Van der Plank ta kasá i tin tres yu hòmber.
Lider polítiko di PAR
Emily S. De Jongh-Elhage
Add this page to your favorite Social Bookmarking websites
| < Prev | Next > |
|---|