Directiva di OCaN, Organisacion di Consulta pa Antiano y Arubano, ta pidi un i tur pa bay vota djarason awor. Bo voz Caribense mester resona! Nos ta compronde cu kizas bo ta puntra bo mes ta pakiko bo mester bay vota; porta bo no ta sinti bo mes comprometi cu e sociedad i e municipio i bo no conoce e kandidatonan.
Si e ultimo ta e caso, bo por resolve esaki door di check e website di bo municipio. Si bo kier vota pa un kanidata Antiano o Arubano bo por check e website di OCaN na www.ocan.nl. Riba e website tin un lista na unda tur e kandidatanan Antiano i Arubano ta wordo presenta na bo.
Pa anja nan largo OCaN a boga pa Antianonan i Arubanonan wordo mas envolvi den e maneho di integracion cu ta na nan bienestar. Bo participacion na nivel local ya a wordo aproba door di gobierno central den su palabrashonnan cu e 22 asina yama Antillianengemeenten. Pa college di B&W i consejo municipal respeta locual a keda palabra cu gobierno central e cuater anja nan benidero ta depende di e personanan cu wordo elegi i cu lo representabo den consejo municipal.
Riba nivel nacional, nos di OCaN lo sigui hasi nos best pa influencia e maneho politico. Abo por hasi esaki door di bay vota 3 di maart y door di consulta bo representantenan di bo consejo municipal. Esaki ta esencial. Pasobra si abo tin e bon, bo projimo tambe tin e bon.
Check e programa di e partidonan y scohe e persona di bo preferencia. Sea un Hulandes Caribense cu ta activo i no ta sinta warda! Uno cu ta mustra cu aki na Hulanda tambe e por duna valor na su bida.
Hopi exito,
Glenn Helberg
Presidente OCaN
p.s. Check awor aki caba bo tarjeta di voto y bo tarjeta di indentificacion pa djarason bo no mester busca mas.
Add this page to your favorite Social Bookmarking websites
| < Prev | Next > |
|---|