Ningun artikulo den lei (NO ACCESS for unauthorized Persons EIGEN TERREIN Art. 483 W.V.S) por evita ku un yu di Kòrsou por landa na un luga defini.
Playa ta kai, of mester kai bou di patrimonio nashonal.Playa ta kai, of mester kai bou di patrimonio nashonal. Internashonalmente hopi diskushon a tuma luga relashoná ku e fenomeno aki kaba. Semper na tur e luganan kaminda e negoshi turístiko ta florese eta lanta e pregunta klave ku si por eksklui un hende di landa na un beach. Ningun artikulo den lei por evita I te hasta ekslkui ku un yu di TERA no por landa na un luga definí. Playanan ta kai,of mester kai bou di patrimonio nashonal. Internashonalmente hopi diskushon a tuma luga relashoná ku e fenomeno aki kaba. Semper na tur e luganan kaminda e negoshi turístiko ta florese e pregunta klave relashona ku KEN TA DONO di laman I playanan ta lanta kabes I diskushonan amplio ta ser hiba ku si por eksklui un hende di landa na un beach en particular.
World Tourism Organization respaldá pa Caribean Tourism Organization ta sali for di e siguiente definishon pa indika ken ta doño di playanan :”Minimalmente tur e area di laman inkluso e area di kosta marka pa e fenomeno di eb i vloed ta pertenese na patrimonio nashonal esta aksesibel pa TUR hende. Ta bin aserka ku pa evita konglomerashon ta marka un zona ekstra kaminda NINGUN hende por traha of konstrui nada fiho.”Kier men ku Hyatt no ta doño di Sta. Barbara Beach.
Ni e PLAYA ku ta ser sera awor aki pa e pier bunita flotante. Presidente Carlos Andrez Perez , aquel entonces, a solushoná e problema na Venezuela di e siguiente manera, ela obligá tur e kadenanan hotelero pa duna akseso na publiko na NAN playanan, playa di Venezuela.Tabata e responsanilidat dje kadena hotelero ei pa perkurá pa seguridat di e publiko i su turistanan i den forma kreativo gana plaka èkstra ofresiendo servisionan èkstra na esnan ku kier hasi uso di nan fasilidat ora nan ta gosa di loke ta di NAN tur. Nan reglanan di kas mester ser respetá si. Nos ta yama bon bini na Hyatt i e turistanan ku ta bini i ta invitanan pa gosa dje bon ambiente krioyo ku pa desenas di aña tabatin i te ainda tin i semper lo keda na Barbara Beach.
REFLEKSHONDen hopi playa ta tene yu di tera afo, sea ta pa nan poder finansiero, nan aparesia, deskriminashon segun nan status social of nan kolo of kualkier otro kriterio mi NUNKA lo por kompronde , yak u ningun din an ta hustifikabel ni hustu. Sta Barbara Beach, hasta tempu ku e playa tabata sera , bo tabata paga pa pasa riba tereno di doñonan di e tereno di Sta. Brabara Beach pa yega e PLAYA DI PUEBLO na Brabara Beach. Hasta ora e akseso aki NO tabata vigente mas esta ku a sera e akseso via tera , yunan di tera di diferente status sosial, a sigui bin NAN playa Sta. Barbara Beach. Awor kos a kambia yak u e deskriminashon ku ta tuma luga dor di Gerensha di Hyatt ta kontra de e klase pudiente. Awor ta tene yunan di Korsou ku bon status finansiero afo, no lubida ku no por ta tur hende por aford di kumpra boto,belero,yate, jetski etc. Of mester kere e impreshon ku Sr.Heiligers ta sugeri ku nan ta E HASIDO di bochincha?.
Na tur pais di mundu ta duna komunidatnan local INSPRAAK den desishonnan ku lo por kousa tenshon of afekta tradishonnan negativamente. No tabata mas bunita pa gerensha di HYATT a yama reunion ku tur partinan envolvi I buska un solushon pa p.e. “overlast di muzik”.
E problema aki lo por a keda fasilmente solushoná ku un regal di outoridatnan local kaminda e volumen di muzik ta ser mará na sierto nivel di desibel. Ku otro palabra na sierto lugánan importante ,hospital, funeraria, skol, I luganan turítsiko kaminda sa p.e. e kambernan ta tira pa laman I ku bientu ta karga fasilmente kualkier zonido pa e kambernan aki, NO ta permiti mask u e nivel di zonido mutuamente akordá.
E sankshonnan komo tal tambe ta ser akordá I ta definí kua instansha ta responsabel pa mantenshon di e reglanan aki. Nos ta di opinion ku ningun bewaker di HYATT tin e respaldo legal pa saka nigun hende afo. Talves ta ora pa test e akshon aki den korte si Hyatt no ta willing pa duna pueblo INSPRAAK.
DISKUSHON NASHONAL
Ta ora pa start un diskushon nashonal ariba e partikularidat aki, ya ku nos hendenan mester defini bon kla loke ta di nos i ku nos den nos rol komo anfitrionnan bon eduká ta willing i gososo pa komparti ku nos amigunan turista ,eksperensianan plasentero riba nos isla. Pero hamas nos por pemiti pa nos patrimonio ser bende pa bira propiedat di solametne esnan ku tin e poder di kapital.
Patrimonio Kultural
Meskos ta konta pa NOS PATRIMONIO KULTURAL. Of ta manera mi amigu Chin Behilia a splika na varios okashon ku ta parse ku tin un plan diabóliko diseña pa poko poko kaba ku nos patrimonio natural i patrimonio kultural. Hechonan konkreto ku ta pasando na Kòrsou ta proba e ponensia aki. Djis puntra bo mes kuantu playa ta ainda den man di YUNAN DI TERA I kuantu preshon I lòbimentu tin pa duna un GRUPO CHIKI e responsabilidat pa TUMA NOS PLAYANAN over ku un I otro preteksto. Ta privatisa nos playana i yunan di tera mester paga pa drenta? Ta basha luganan santu of ku balor historiko sentimental abou sin drai wak patras. Kasi manera pa èksprès.
Ta konstrui riba luganan sagrado, of ku ta pruebanan klave di kosnan hororoso ku a pasa den nos historia ku ser humano di karni I sanger. Ta un falta di respèt ku ta kousa heridanan inkurabel. Sibo no ta kere laga mi refreská bo memoria ; bo ta kòrda Ser'i neger, tambe resientemente (luna di aprel ) e area kaminda aktualmente fundashon di Kas a rosa pa traha kas di pueblo. i denter di poko … lo sigui ku benta dje terenonan ku ta inklui e area hisóriko yama Den DUNKI. Ki bo ta kere ku lo pasa ku e uniko evidensha AKI kaminda Oropeo golos pa plaka tabata negosha den hende, hasiendo nan katibu I asina granatisá ku nan materialmente por prospera.
Mi ta garantisa bo ku na momento ku bende e area aki tras di landhuis zuurzak kaminda nos gezaghebber ta biba, ku rapidamente e doñonan k kumpra e area aki sin duna ningun hende INSPRAAK riba kiko tin di hasi ku DUNKI, den forma rápido lo hasi sigur kun an (pasombra nan no sa di nnada) ta basha e evidensianan konosí komo DUNKI abou. En geen haan die ernaar kraait.
Tuma BO RESPONSABILIDAT
Awor ta ken su falta. Kiko abo ta hasi pa aktiva i trese kambio den esaki? Of ningun hende no kier kima nan dede i ser mal mira? Wel si esei ta e kaso kordea ku ta esaki …..ta netamente loke dikshonario ta defini komo OPORTUNISMO. Mi ta spera mast a ignoransia ta pone ku nos no ta drenta den akshon ku oportunismo yamku e pregunta e ora ei lo lanta ta ki ganashi nos tin pa hasi asina tantu kosnan ku ta priva nos I futuro generashonnan di nan herensia cultural I natural Nos di NOSTEVE a traha un vidoclipnan kaba riba DEN DUNKI, I proksimamente nos lo pone un videoclip ku ta refehá e añoransa di Sta. Barbara Beach. Loke tabata tei I lo mester pasa pa historia si ABO pèrmiti esaki.
Tico Vos
Direktor NOSTEVE
Add this page to your favorite Social Bookmarking websites
| < Prev | Next > |
|---|